現代人追求工作與生活平衡（Work-life balance），盡力把工作和私人時間分開。但有很多香港打工仔仍要加班，或放工回家後還得繼續忙碌。近日，有網民在親子王國討論區發文，指自己會把公事帶回家，被家人稱為社畜，她坦言自己都克制不到去想公事。
按圖了解事主情況同網民意見：
事主：「有時工作上有問題，我會帶返屋企諗點解決，同兩父女講開，佢話我係社畜！（笑笑口講），老公同我公司同事都話，佢哋從來放工後都唔會諗公司嘢點做。佢哋公司閒談嘢會同屋企人分享，但唔會將公司未解決嘅問題，帶返屋企。我都唔想諗，但個腦控制唔到，可能同更年期都有關係！多唔多人會將公司問題帶返屋企諗！？」
網民A：又唔使話人社畜，邊個鍾意返工呀? 有錢咪做闊太講化妝品囉。不過我都唔會帶公司問題返屋企諗，放工好似啪粒掣咁，公司嘢隔絕，唔會主動接觸。 公司嘅問題夜晚返屋企諗，同第二朝返工再諗分別不大。同老公呻吓、講吓壞話就會。
網民B：唔係人人份工都係一離開office就乜都唔使諗。無需要講得咁難聽。
網民C：有時係身不由己，個個都想唔使諗公司嘢，放工就去shopping，但唔係份份工都話放工就放工，職位越高人工越高更加無可能！
網民D：盡量返到屋企就唔好諗公司嘅嘢，享受親子時間！
網民E：聽我朋友分享，佢老公喺公司發生嘅事都會同佢商量，佢都會出謀獻策，令佢老公步步高升！
網民F：性格問題，我覺得無嘢，有時自己都控制唔到。
網民G：我行出公司門口，唔會再講公司嘢，我同朋友食飯，都好怕佢哋不停講公司發生咩事，放工就唔好提公事，放鬆啲。
網民H：好大件事先會放工都諗住，否則有咩返工先講，唔想成日放負。
網民I：如果你唔係公司嘅中層、中高層、高層根本唔使諗太多，我成日remind自己要work life balance，有時真係身不由己，但盡量返到屋企都要享受家庭生活。唔好覺得自己太重要，如果唔做，公司唔需要一日，已經可以搵人取代自己個位置，返工時全力以赴，放工後享受人生！
網民J：我同老公成日返到屋企傾公事（同公司），我老公周末都開工，咁叫咩？
網民K：其實一，我唔會同老公講。二，佢哋有冇諗過邊個令我變成社畜，如果我係闊太，又使咩做社畜呢？
網民L：公司嘅嘢，我同家人都會帶返屋企。勞氣嘅，呻完希望出啖氣，亦順便同仔女分享「做人唔好太離譜」。有時誇張事都可以攞嚟笑吓。諗唔掂嘅會一齊諗吓，當然唔係施壓咁去諗，希望大家輕鬆傾吓會唔會突然有人腦洞大開。
工作佔了不少人生活很大比例，大多數人都未能完全分割公事和私人時間，但每個人的抗壓能力都不同。家人、朋友未必想放工後聽到職場的事，可以的話嘗試忘掉公事，享受生活。如果很需要和別人討論，亦可以尋找願意聆聽、分憂的對象，讓雙方都不要感到壓力。
Article By CTgoodjobs