相信不少打工仔都嚮往一份既高薪又能保證工作與生活平衡（Work-life balance）的工作，但「魚與熊掌不可兼得」，現實中打工仔往往需要在兩者之間取捨。近日，一位打工仔在社交平台「Threads」發文，指自己目前人工兩萬多將近3萬，但工作需要加班，不能準時放工，令他覺得難以適應，筋疲力盡，於是向網民求教，他對工作條件的要求真的太高了嗎？
按圖即看事主分享及網民回應：
事主：喺香港地想搵份兩萬尾嘅工，可以唔使免費OT、準時放工、準時食Lunch、唔使喺放工時間做嘢同返星期一至五Office hour，係咪要求太高？
返緊新嘅工有啲分唔到係我未適應到，定係呢份工真係唔啱我。先返咗一個月已經覺得好伏，擔心自己有錢冇命享，仲要人工都唔係好高。每日返工返到頹晒，暫時人生最大快樂來源都幫唔到我，比起退休更想投胎，可能真係我嘅抗壓能力太低。
網民A：我呢份？日日返半日，3點半後順便食埋下午茶，7點前放工，公司行路唔使10分鐘返到，便服返工，有冇異議？
網民B：唔明Office文職有咩生產力值得畀30K一個月返一至五。
網民C：香港地最多舒適工就係兩萬尾兩萬中呢啲位。上去做中層，下屬唔做要自己頂，老闆又壓落嚟，人工多幾萬但稅又交得多。
網民D：唔好話2字尾，2字頭已經做到隻狗咁，我而家19K可以Hea住等收工。老實講我梗係想搵多啲，但一諗起要做到隻狗咁先多得嗰少少，又唔係幾想……不如返住份19K，再用返工時間睇吓做唔做到其他嘢搵錢。
網民E：我而家呢份工已經中咗4樣要求。
網民F：低人工唔代表唔Chur，可以係老闆好無良。
網民G：唔關事，我公司大部分人食兩個鐘Lunch，唔早返唔OT，人工4萬5萬嘅人都係咁。因為時間同價值唔係成正比，應該係能力同埋思考模式上，提供到比你份糧更加大嘅價值先會啱。補充一吓，世界上好多伏工，諗吓自己點解要喺呢間公司做呢份工。
網民H：15K可以Hea，去到2字尾已經有大把責任，想Hea只可搵返1萬中。
網民I：喺兩萬頭極Hea同3萬尾要孭飛或者好Chur之間揀，可能兩萬頭仲好啲，夠食嘅話，儲吓錢攞嚟投資，分分鐘搵得仲多。
網民J：你嘅要求唔係話冇，但可能試吓搵唔同工種。我嗰份工就係，除咗要返Shift（其實我鍾意返Shift，因為私人時間多啲），其他都符合，甚至更好。我好多朋友都喺疫情時嘗試唔同工種，先發現原來有好多冇諗過嘅工同職位，以前見識少。
學習取捨 尋找適合自己的工作
有網民認為，工資在兩萬中段至兩萬後段之間的工作相對輕鬆，再高就會承受更大的工作壓力；亦有人表示想要輕鬆的工作，只能獲得兩萬以下的人工；另有網民指出，工資水平的高低與工作負擔的輕重未必成正比，建議事主多嘗試不同的工種，或許可以找到工資和其他條件都符合的工作。
每位打工仔對工作的期望有所不同，有人希望從事底薪但輕鬆的工作，享受更多私人時間，也有人願意承受壓力，換取更高的收入和職業成就。無論選擇哪條路，最重要的是學會取捨，找到適合自己的工作和生活方式。
對於如何找到合適的工作，以下有5點建議可以參考：
1/ 了解自己
明確自己的興趣、技能和價值觀，找到與之契合的行業和職位。通過自我評估或職業測試，了解自己真正熱愛的工作類型，避免盲目跟隨市場趨勢。
2/ 研究行業與職位
深入了解目標行業的發展前景、職位要求和日常工作內容。通過閱讀行業報告、參加講座或與從業者交流，確保自己的選擇符合長期職業規劃。
3/ 嘗試不同職業
透過實習或兼職體驗不同行業和職位，親身感受工作環境和文化。這能幫助你更直觀地判斷是否適合，並積累職場經驗。
4/ 評估公司文化
選擇一家與自己價值觀相符的公司，關注其文化、團隊氣氛和工作彈性。良好的工作環境能提升幸福感，並有助於長期發展。
5/ 制定職業目標
設定短期和長期的職業目標，並制定具體的行動計劃。定期檢視進展，根據實際情況調整方向，確保每一步都朝着適合自己的職業路徑前進。
Article By CTgoodjobs